都好幾個月冇寫了, 其實中間都有寫過, 但多數寫寫吓就有事做, 冇繼續亦冇save到, 之後就唔想寫了... (我的確係怪人一名)
呢幾個月對我來講都幾怪, 點解咁講呢? 嗯... 唔識講添 -_-" 總之心情好怪啦...
五月係小弟生日, o個幾日真係幾開心, 由其正日啦. 雖然同上年差唔多, 但最重要既係平凡而開心的感覺 ^_^
但係呢幾日, 心情好奇怪, 有人叫我過去做, 人工加多幾千, 應該開心既, 但又唔係好開心, 反而擔心仲多過開心, 擔心舊公司既事, 而且女朋友又好似唔多中意, 擔心我比人利用and辛苦(都話綿min係好女朋友架啦, 自己讚自己女朋友, 哈哈~), 但係冇計啦, 為咗前&錢途, 只好努力了。
另一件事係, 綿min一路都心煩, 因為有件事解決唔到, 而我一路都係佢身邊叫佢試吓這, 試吓那, 叫佢做一d我認為幫到佢既野, 但原來佢根本唔想我咁做, 仲覺得我比咗好大壓力佢, 我一路都唔明架, 明明佢用自己做法係唔得, 做咩唔聽人講吓呢? 仲因為呢件事嘈咗幾次添...
直到琴晚我諗咗好耐, 其實綿min都講得啱, 佢都咁大個人, 係有自己選自己條路點行既權利既, 我冇理由加我自己既意願去佢身上既 ( 但係聽吓人意見既包容係要的, 唔一定要做, 但聽吓都冇壞姐 ^_^ )。其實我自己咪一樣唔中意人地係咁, 我由讀中學到做野, 阿娘都比咗好大既自由度我, 令我覺得好開心, 我應該學既仲有好多好多, 人生真係奇怪, 怪人既人生就仲怪...
