第二堂

今日係第二堂..冇錯，好密，一星期三日...

今日係 Digital and lighting ~ 感覺唔錯 ^_^
雖然今堂只係理論，仲未可以拍野，但佢講既野令我明白咗好多關於而家所謂既高清係咩 ^_^
仲睇咗啲平時一定唔會買/睇既片添 @_@

都幾得意架，呢科學既野應該對工作上都幾有用，因為就算唔使拍片，但我好多時都要影相，呢堂會教燈光應用，希望遲下影相會好D啦 ^_^

琴日唔記得咗寫，我返學多數都係地鐵再轉車既，但架小巴等既人多到咩咁，除非我早啲收得工，唔係都唔使指意搭到架小巴而唔遲到，到時只好搭的士了(灰)...而到咗放學，我多數會買完飯之後行返屋企，因為真係好近 ^_^ 但因為要行一條太約 8-9 層樓咁長既樓梯，對於返完工再上3個鐘堂到10點攰到咩咁既我來講，真係想死 (其實係肥人多直口 ^_^) 都好既~ 堂做下運動囉~ 搭車又真係轉個灣就到，超無聊呀 -_-"

星期五係我最想上既堂 - 3D~ YEAH~
希望正啦~ 期待~ 期待~ 期待~ ^_^

第一堂

今日上既第一堂，就係...English =_="

開頭諗，我讀既係DESIGN，佢為咩要我學英文呢~
直到上堂我先明！佢原來係教我地用英文去做 story board，proprsal，presentation呢啲野！

講真，其實真係幾有用架，但係我啲英文實在太...見不得人 orz
佢只係叫我寫段字去介紹下自己，我都唔係好知點寫，一唔知寫乜好，二想寫都唔識串...
真係好灰...而家啲功課只係開頭...但我已經頭都大喇 >_<

唉...

開學

一年前話想搵書讀，今年報咗IVE個 Digital and Media HD 讀，星期三上網見到個時間表，一睇...第一堂就英文 @_@ 玩我咩...

不過話時話，係咪有啲科我可以唔使讀既呢~ 嗰陣見個阿SIR佢話可以架ma ~_~"
好在佢比我一入就 Year 4~ 一年就畢業了~ YEAH~~~

但一星期要返成3日...工作又超多野做...喺可見既來緊一年，應該會死 ^_^