DELL E228WFP 22吋 MONITOR

話說阿娘呢排隻股仔賺咗唔小，受惠既除咗佢本人之外，仲有我呢個敗家仔^_^ 因為阿娘資助咗我$2000買新LCD MON呀~哈哈~~ 就係因為咁，我上星期四放工就去咗298睇吓喇，目標係16:10既monitor，一睇之下...眼花撩亂...19吋~20吋有HDCP既價錢係$2100樓下，而句KEN生講，HDCP係之後用來睇高質影片用既，而想windowvista好d都好似係要呢樣，但係...我比個ViewSonic22吋吸引住，一個字「大」!價錢$2680...但係...冇HDCP....(如果要有HDCP22吋mon，大約要4千幾@_@) 工作關係，一向喺工司都係用2個mon既，但屋企地方細，所以一路都冇可能用到DupMon...屋企做野，想死...Mon太細了...不論Photoshop或Flash呢d常用軟件，一開工具,主畫面又得番好細，唔開又做唔到野，拑制開開關關又煩...往往就係因為咁攪到冇咩心機做(再加上懶^_^")... 所以最後我都係決定買22吋Mon，反正睇唔睇到咁高質既片，都唔係最主要既問題，只係有既當然係最好啦啦啦啦~~本來我已經相約老朋友天恩去高登買(通常都平d^_^)，但係當Ken生買咗本eZone返來，我想拿來睇下之時，Ken生有發現!Dell22吋monitor支援HDCP賣$2688!!! 但要網上訂購，咁我當然立即上佢個網睇下啦(好在公司上到，因為事後我係屋企想再睇下就上唔到個網了...p.s.因為台灣地震...internet死屍中...)一睇...冇既@_@!Ken生話原來Dell呢d正野係唔會o係佢個網有直接既link，而係要用書上面個code入既@_@，最後入到去...買咗^_^哈哈哈~~ 但要等佢email回復，突然心中一驚!internet死屍中，佢地會唔會收唔到order架@_@就喺呢個時候，Ken生仲睇到個promo係07年1月1號止...等咗好耐(其實唔係好耐，係我心急^_^)都未見有佢既email喎，咁我就即刻打電話confirm下啦，幾經轉接，終於搵到個好人客戶服務小姐，佢話原來佢地經網上訂購係冇咁快既，大約1-2個小時會有email回復架喇，如果冇既話，佢仲比咗個直線我，可以打去check^_^ 最後，我當然收到email啦，而且仲喺我收到email既時候，Dell公司既職員仲打多次電話比我confirm添~服務唔錯咁喎~但因假期問題，要8號先收到貨-_-" 哈哈~~好開心~~又平又係我想要既野~heehee~~
液晶顯示器屏幕尺寸	22英寸
屏幕比例	16:10
分辨率	1680×1050
色彩	16.7M
液晶面板類型	TN
接口類型	D-Sub,DVI
平均亮度	300nits
點距	0.282mm
對比度	800:1
可視角度（水平/垂直）	160/160°
响應時間	5ms
安規認証	TCO03
變壓器	内置
HDCP	支援HDCP
重量	5Kg

貓咪

認識KEN已有幾年了,亦知他家養有3隻貓(佢話貓先係主人,佢係寄住喎 -_-"),但一路都冇真係見過,咁啱係佢阿娘出國,佢屋企冇人,我同仙姑加上DODO就上咗佢屋企打邊爐了

o係ken屋企樓下,我提仙姑佢先記得ken有小貓3隻,仙姑開始驚了 @_@"
但係上到去不久,佢見到d貓咪咁得意,佢就話"好得意呀佢地", "佢係花洒飲水喎" ,"佢係上面望住我地呀", 哈哈~~ 好開心咁 ^_^

之後食完野,我同仙姑坐o係sofa,其中一隻(沙沙定包包...我都係唔記得^_^)過來陪我地玩,後來仙姑仲摸佢添 ^_^

今個星期, 我地都會上多次去, 仙姑仲話要買野比貓咪食, 同要影貓咪相添 ^_^

我的玩具 - 改裝篇

記得今年生日,綿綿買咗部PSP比我做生日禮物,非常開心,但因為唔想用佢太多錢,就買咗只可以玩正版既2.6版本,除咗跟機既1隻game(北歐女神),我就只係買多咗2隻(機戰mx,炸彈人),因為覺得貴既關係,見到想玩既game都冇買到...

之後ken幫我睇到可以自己改返做1.5版本既方法,但係一睇....我o個部底版係唔得既.... T_T
後來我又諗過and問過下如果賣咗而家呢部比game舖再同佢買大約要加$500
一來,因為係生日禮物,我唔係真係好想買,二來綿都唔中意我賣(正確來講係一定唔比,死罪@_@)
就因為咁, 我就打消咗呢個念頭喇 ^_^

直到早一兩個月,ken話我知可以自己改,但要買張memory stick,但我又唔知係唔係真係得(主要係因為冇錢 ^_^),所以一路都冇試,真到阿娘執到部"K750i"電話比老爸,佢要我幫佢買張1GB卡我先去試

一試...而...個畫面同網上講有d唔同既(心裡一沉),真係唔得 @_@
咁只好再試(因為網上個大哥話唔得就再try的^_^),再開機,run program...得咗 !!! ^_^
哈哈哈哈~~~

雖然係冇1.5版本咁方便,但一樣玩到 ^_^ 正~~
真係要多謝傻仔ken了~~

已下載遊戲 :
極魔界村
頭文字D
龍珠
泡泡龍
日本不知名RPG
RR2
G GUNDAM

下載中遊戲 :
SNOOPY
STREET FRIGHT 3
北歐女神(中文版)

嗯...好似係咁多,但又好似唔只.... 唔記得了 ^_^

身子弱

我身體弱都唔係而家既事，因為一出世我已經係貧血，但唔緊要，多做運動都可以 ^_^
之但係...呢幾年真係好小運動 (正確啲講係...無-_-") 所以身體重咗又易病咗 T_T ...

今日又病了，雖然唔係真係好病(公司廢紙箱全是紙巾 -_-")...
公司多野做 !! 唔病得既呢~
所以都係休息多啲，今晚早啲訓了 ^_^

記住今日，又病了~ 哈 ~

零陸中秋

中秋佳節，我地一班人約咗去BBQ ^_^

因為綿綿係簿假關係，所以今日收半日，跟住就過咗來我度同我一齊食午飯喇~~



食完去咗我公司等我收工，因為我地要去睇下有冇爐，於是乎，我地同傻仔ken大約4點半去到地點山腳，行行行行行...行咗大約30分鐘終於到喇~~(其中傻仔ken係咁話轉多兩三個彎就到架喇~~但明明轉咗好多個都未到，佢話o個啲唔係彎喎-_-")但係一到，ken就要落山了(慘...)因為佢仲要去搵小白同細路一齊去買野同帶佢地上來(同我地上山都係因為要帶我地去，冇人識路 ^_^+)但係一等...因為收工時間唔同，所以我地就等咗好幾個鐘了 T_T 仲要餵咗好多蚊...已經有蚊怕水、蚊怕貼都冇用，咬咗好多點呀 ~_~"

就係我飢寒交big既情況之下，ken一行人到了 ^_^
燒咗一陣，阿do亦到了，而且仲同ken既爸媽一齊來 @_@"
但係ken爸媽只係上來幫我地打點一切，之後就返落山了...有點覺得難為了兩老...

最後我地燒剩好多野呀...因為Do唔知我地有幾多野(我地冇講清楚)，佢又買咗好多上來...

落山之後地去咗食糖水，但do就冇來，因為其實佢之前一日OT到零晨5:00 @_@"
冇精神了~



估唔到第二日...ken 同 do 兩個再上去熱多次 -_-"
ken有叫我同綿去，但...不了^_^" 打邊爐ok ~
佢地兩個同我地等既時候一樣，就係... 餵蚊 T_T

今年中秋唔錯~~
^_^

藍牙

早前用部舊既手機去ONE2Free加700多元換咗部V3x來用，感覺唔錯，但當阿娘叫我用藍牙send張相比佢既時候，我竟然搵唔到點send，只係見到有得 send mms -_-" 我諗住傻仔ken都係用同系手機，所以問佢識唔識啦~~ 點知...佢都唔知...

一路我都解唔開呢個問題，以為motorola真係出自私機，只收不傳 @_@"
直到今日無聊時突然想起，上網搵下有冇人識先，一搵...第一個已經解答到...

方法好簡單：
1.) 選擇要既圖片;
2.) 選項;
3.) 管理;
4.) 移動;
5.) SEND....

就係咁簡單 -_-"

食

今日陪天恩去咗旺角買相機，其實先前都諗咗買邊部，只係佢睇到我買o個部又好似好正咁(咁真係好正喎本人覺得 ^_^)，但係因為價錢同佢要求既質數等等問題，最後都係買咗 FX-07(黑色)，但就要聽日先有貨，咁只好落住訂先了~

之後去咗食麻辣米線，其實我都食過好幾間了，今次呢間算係不過不失，辣!有了...麻...^_^" 唔多覺，但整體都OK ^_^ 不過佢生意算唔錯，FULL場仲要等位(雖然只係等兩張 ^_^)。



講開食，前幾日因為綿綿有張買一送一既銅鑼BAY富豪酒店 LUNCH 自助餐coupon，由於都就快到期，所以就o係佢補假o個日去咗食喇，我同佢每人食咗十多隻焗蠔 ^_^ 都幾好食，而且比我想像中多款式喎 ~~ 但一個人要 $180多(連加一)，如果唔係有coupon都唔會食 (我不是有錢人 ^_^")，哈哈~~~

木樓梯

它，不是最老，但它還有「夜來香」、木樓梯、鐵郵箱....
不知何時會走，只好拍照留念。


更多

新茶樓

開左間新茶樓, 舊址不會再用了...
但舊的還是會保留 ^_^

http://nivlekl.blogspot.com/

還有很多地方未裝修好, 努力中... 哈~